විනය නීති සංග්‍රහය

භාවනා ක්රමය පිළිබඳ හැඳින්වීම

විපස්සනා භාවනාව ඉන්දියාවේ තිබූ ඉතාම පැරණි භාවනා ක්රමයකි. මිනිස් සංහතියෙන් බැහැරව තිබූ විපස්සනා, අවුරුදු 2500 කට පෙර, ගෞතම බුදුන් වහන්සේ විසින් නැවත සොයා ගන්නා ලදී. ’විපස්සනා’ යනු ඇත්ත ඇති සැටියෙන් දැකීමයි. එය තමා පිළිබඳව නිරීක්ෂණයක යෙදෙන ක්රියාවලියකි. සිතේ ඒකාග්රතාවය සඳහා  තමාගේම ආශ්වාස ප්‍රශ්වාස පිළිබඳව අවබෝධයෙන් බැලීම මෙහි මූලික අවස්ථාවයි. එසේ පැහැදිලිව දැකීමෙන් යෝගාවචරයා කයේ සහ සිතේ වෙනස් වන ස්වභාවය අවබෝධ කරගනී. මේ අවබෝධය තුළින් අනිත්‍ය, දුක්ඛ, අනාත්ම පිළිබඳව යථාවබෝධය ලබයි. මෙසේ ඇත්ත ඇති සැටියෙන් දැකීම චිත්ත පාරිශුද්ධියේ ක්රියාවලියයි. මෙම සම්පූර්ණ ධර්ම මාර්ගය ලෝකයේ ඇතිවන නොයෙකුත් ගැටළු නිරාකරණය කර ගැනීමට ඉවහල් වන පොදු මාර්ගයයි. මෙය මොනම ආගමකට හෝ ආගමික කොටසකට බලපාන්නක් නොවේ. එම නිසා මේ ක්රමය සෑම කෙනෙකුටම ඕනෑම වේලාවකදී  ඕනෑම අවස්ථාවකදී ආගම්, ජාති කුල භේදයෙන් තොරව නිදහසේ ප්‍රගුණ කළ හැකි අතර සෑම කෙනෙකුටම එක හා සමානව ඵලදායි වන බව ප්‍රත්යක්ෂ වේ.

විපස්සනා භාවනාව,

• අන්ධ විශ්වාසය මත ගොඩ නැගුනු පූජාවිධි ක්රමයක් නොවේ.
• බුද්ධිමය හෝ දාර්ශනික සාදයක් නොවේ.
• විවේකයක් හෝ රෝග නිවාරණයක් හෝ නිවාඩුවක් ගත කිරීමක් හෝ පුද්ගලයන් දැන හඳුනා ගන්නා අවස්ථාවක් නොවේ.
• එදිනෙදා ජීවිතයේදී මුහුණපෑමට වන හිරහැර පීඩාවන්ගෙන් පලායාමක් නොවේ.
• විපස්සනාව යනු කුමක් ද?
• දුක සහමුලින් නැති කර දමන ක්රමයකි.
• ජීවිතයේ ගැටලූ සහ පීඩනයන්ට සංසුන්ව සහ සමබරව මුහුණදීමට හැකිවන පරිදි සිතේ පවිත්‍රතාවය ඇති කරන ක්රමයකි.
• සමාජයට ධනාත්මක වශයෙන් මෙහෙවරක් කිරීම සඳහා උපයෝගී කරගත හැකි ජීවත්වීමේ කලාවකි.

විපස්සනා භාවනාවේ අරමුණ වන්නේ අධ්‍යාත්මික වශයෙන් සම්පූර්ණයෙන්ම කෙලෙස් ප්‍රහීණ කොට ලබන උතුම් නිකෙලෙස් භාවය ලබා ගැනීමයි. ශාරීරික රෝග පීඩාදිය සුව කර ගැනීම එහි අරමුණ නොවන නමුත් ඉන් ලබන මානසික පාරිශුද්ධිය හේතු කොටගෙන මනසට අදාළ නොයෙකුත් රෝග පීඩා නිවාරණය වේ. ඇත්ත වශයෙන් ම, මෙම භාවනා ක්රමය මගින් දුකට හා දොම්නසට බලපාන රාග, ද්වේශ, මෝහ යන හේතූන් සහමුලින්ම නැති කොට ප්‍රීතිමත්ව ජීවත්වීමේ ක්‍රමයක් බව පෙන්වා දී ඇත. නොකඩවා විපස්සනා ප්‍රගුණ කිරීමෙන් එදිනෙදා ජීවිතයේ දී ඇතිවන අසහනකාරී තත්ත්වයන් දුරු කර ගැනීමට හැකි වේ. සොම්නස් හා දොම්නස් අවස්ථාවලදී සමබර තාවයකින් තොරව,  මෙතෙක් පුරුදු  වී තිබුණු ආකාරයට ප්‍රතික්රියා දැක්වීමෙන් ඇති කරගත් බන්ධනවලින් මිදීමට හැකි වේ.

විපස්සනා භාවනාව බුදුරජාණන් වහන්සේ විසින් දේශනා කරන ලද්දක් වුවත් එය ප්‍රගුණ කිරීම බෞද්ධයන්ට පමණක් සීමා නොවේ. මෙහිදී ආගම වෙනස් කිරීම කිසිසේත් සිදු නොවේ. සෑම මිනිසෙකුම ජීවිතයේදීමුහුණ දෙන ගැටළු එක සමානය  යන සරල පදනම මත මෙම භාවනා ක්රමය ක්රියාත්මක වේ. මෙම ගැටලූ සහමුලින් ඉවත් කර දැමීමට හැකි වන ක්රමය කාටත් අදාල විශ්වීය ක්රමයකි. විවිධ ආගමික සම්ප්‍රදායන්ට අයත් වූවන් විපස්සනා භාවනාවෙන් ඵල ප්‍රයෝජන ලබා තිබෙන අතර, තම ආගමික විශ්වාස සමග එහි ගැටීමක් නැති බව ඔවුන් අවබෝධ කරගෙන තිබේ.

භාවනාව සහ ස්වයං ශික්ෂණය

තම සිත දෙස තමාම බැලීමෙන් ලබන ස්වයං පාරිශුද්ධි ක්‍රියාවලිය ඇත්ත වශයෙන්ම පහසු නොවේ. ඒ සඳහා ඉතා උනන්දුවෙන් ක්‍රියා කළ යුතුයි. සිසුන් තමාගේ ම අප්‍රතිහත ධෛර්යය තුළින් ප්‍රත්‍යක්ෂ අවබෝධය කරා පැමිණේ . එය කෙනෙකු වෙනුවෙන් තවත් කෙනෙකුට කළ හැකි කාර්යය නොවේ. එම නිසා මෙම භාවනා ක්‍රමය ගැලපෙන්නේ, භාවනා පුහුණුවටම අදාළ අංගයක් වන්නාවූද, සහභාගිවෙන සිසුන්ගේ අභිවෘද්ධිය සහ ආරක්ෂාව සඳහා සකස්කර ඇති නීති රීති පිළිපැදීමට කැමති වන අතර දැඩි උනන්දුවකින් ක්රියා කළ හැකි අයට පමණි.

යටි හිතේ ඉතා ගැඹුරු තලයට විනිවිද ගොස් එහි තැන්පත් වී ඇති සංස්කාර ප්‍රහීන කරන ක්‍රමය ඉගෙනීමට  දින දහයක් වැනි සුළු කාලයක් ඇත්ත වශයෙන්ම ප්රමාණවත් නොවේ. මෙම ක්‍රමයේ සාර්ථකත්වයේ රහස වන්නේ හුදකලාව අඛණ්ඩව ප්‍රගුණ කිරීමයි. මෙම ප්‍රායෝගික පැත්ත ගැන සළකා බලා නීතිරීති සම්පාදනය කර තිබේ. මේවා මූලික වශයෙන් ගුරුවරයාගේ හෝ පාඨමාලා කළමනාකාරිත්වයේ ප්‍රයෝජනය සඳහා නොවේ. එමෙන්ම එම නීතිරීති කිසියම් ආගමක් , අන්ධ විශ්වාසයක් හෝ කිසියම් සම්ප්‍රදායක් හෝ ලෝක සම්මතයක් හෙළා දැකීමට ද නොවේ. අනික් අතට, එ් නීතිරීති පදනම් වී ඇත්තේ වසර ගණනාවක් තිස්සේ යෝගීන් දහස් ගණනක් ලබා ඇති ප්‍රායෝගික අත්දැකීම් මතය. එමෙන්ම  විද්‍යාත්මක මෙන්ම තර්කානුකූල ද වන මෙම නීති රීති පිළිපැදීමෙන් භාවනාවට උපකාරි වන යහපත් පරිසරයක් ගොඩ නැගේ. එමෙන්ම නීතිරීති උල්ලංඝනය කිරීමෙන් පරිසරය දූෂණය වේ.

සිසුන් මුලු පාඨමාලා කාලය තුළම භාවනා මධ්‍යස්ථානයේ ර්‍අඳීඳී සිටිය යුතු අතර අනිකුත් නීති ද ඉතා සාවධානව කියවා සලකා බැලිය යුතුය. මෙම විනය නීති අවංකවම ඉතා දැඩි ලෙස පිළිපැදීමට හැකි යැයි සිතන අය පමණක් පාඨමාලාවට ඇතුලත් වීම සඳහා ඉල්ලූම් කළ යුතු වේ. අධිෂ්ඨානශීලීව වීර්යයෙන් වෑයම් නොකරන අය තමන්ගේ කාලය නාස්ති කරනවා පමණක් නොව, උනන්දුවෙන් වැඩ කිරීමට කැමැත්තක් දක්වන අයට බාධාවක්ද වෙයි. විනය නීති මාලාව පිළිපැදීම ඉතා දුෂ්කර ලෙස හැඟී පාඨමාලාව සම්පූර්ණ නොකර අත්‍ර මැදදී ඉවත්ව යාම අවාසිදායක ක්‍රියාවක් මෙන්ම නුවණට හුරු නොවන බවද පාඨමාලාවට ඉල්ලුම් කිරීමට බලාපොරොත්තු වන අය තේරුම් ගත යුතු කරුණකි. එමෙන්ම, කිසියම් සිසුවෙකුට නැවත නැවතත් සිහිපත් කිරීමෙන් පසුවත් විනය නීති නොපිළිපැදීමේ හේතුවෙන් ඉවත්ව යන ලෙස කීමට සිදු වුවහොත් එයද ඉතාමත් කණගාටුදායක තත්වයකි.

දැඩි මානසික ආබාධවලින් පෙලෙන්නන්:

මේ භාවනා ක්‍රමයෙන් මානසික රෝගවලට සුවයක් හෝ සහනයක් ලැබෙනු ඇතැයි යන අපේක්ෂාවෙන්, දැඩි මානසික ආබාධ වලින් පෙළෙන පුද්ගලයෝ සමහර අවස්ථාවල භාවනා පාඨමාලාවලට සහභාගි වෙති. විවිධාකාර ප්‍රතිකාර වලට භාජනය වී තිබීම නිසා එබඳු පුද්ගලයන්ට මේ භාවනා ක්රමයෙන් ප්රයෝජන ලැබීමට නොහැකි වීමට හේතුවක් වේ,  එමෙන්ම දස දින පාඨමාලාවක් සම්පූර්ණ කිරීමට පවා නොහැකි වීමට ඉඩ තිබේ. වෘත්තීය නොවන ස්වේච්ඡා සංවිධානයක් හැටියට  මෙබඳු පසුබිමක් ඇති පුද්ගලයන් පිළිබඳව නිසි අයුරු කටයුතු කිරීමට අපට හැකියාවක් නැත. බොහෝ දෙනෙකුට විපස්සනා භාවනාව ඵලදායි වුවත් එය වෛද්‍යමය හෝ මානසික ප්‍රතිකාර සඳහා විකල්පයක් නොවේ. එම නිසා බැරෑරුම් මානසික රෝගවලින් පෙළෙන්නන්හට අපි විපස්සනා භාවනාව නිර්දේශ නොකරමු.

නීති පද්ධතිය:

• පුහුණු වීමේ පදනම සීලයයි.
• සමාධිය හෙවත් සිතේ ඒකාග්රතාවය වැඞීමේ පදනම සීලය මගින් සැලසෙයි.
• චිත්ත පාරිශුද්ධිය ඇතිකර ගන්නේ ප්රඥාවෙනි, එනම් විපස්සනා ඤාණයෙනි.

ශික්ෂාපද:

පහත සඳහන් ශික්ෂා පද හෘදයසාක්ෂියට අනුව දැඩි ලෙස ආරක්ෂා කිරීමට පොරොන්දු විය යුතු වේ.

1. ප්‍රාණඝාතයෙන් වැළකීම

2. සොරකම් කිරීමෙන් වැළකීම

3. සියලු ලිංගික සම්බන්ධතා වලින් වැළකීම

4. බොරු කීමෙන් වැළකීම

5. මත්ද්‍රව්‍ය, මත්කුඩු ආදිය භාවිතයෙන් වැළකීම

පෙර ඵුණු වූ සිසුන් ( එස්. එන්. ගොඑන්කා තුමා හෝ එතුමාගේ සහායක ගුරුවරයෙකු යටතේ භාවනා පාඨමාලා පුහුණු වී ඇති අය)  විසින් පාඨමාලා කාලය තුළදී තවත් ශික්ෂා පද තුනක් ආරක්ෂා කිරීම අපේක්ෂා කෙරේ.

6. මධ්‍යාහ්න 12 න් පසු ආහාර ගැනීමෙන් වැළකීම.

7. ශරීරය සැරසීම් හා නැටුම්, ගැයුම්, වැයුම්වල යෙදීම වැනි ඉන්ද්රියයන් පිනවීම් වලින් වැළකීම.

 8. සුඛෝපභෝගී  හා උස් අසුන් භාවිතයෙන් වැළකීම.

පෙර ඵුණු වූ සිසුන් ප.ව. 5.00 ට කහට තේ කෝප්පයක් හෝ පළතුරු යුෂ වීදුරුවක් පානය කිරීමෙන් 6 වන ශික්ෂාපදය ආරක්ෂා කළ යුතු වෙයි. . නවක සිසුනට කිරි හෝ තේ හෝ පළතුරු යමක් ලබාගැනීමට අවසර තිබේ. කිසියම් පෙර ඵුණු වූ සිසුවෙකුට සෞඛ්ය හේතූන් මත 6 ශික්ෂා පදය අනුගමනය කිරීමෙන් වැළකී සිටීමට අවSH‍ය නම් ගුරුවරයාගෙන් අවසර ලබා ගත හැක.

ගුරුවරයා සහ භාවනා ක්‍රමය පිළිගැනීම :

සියලූම යෝගාවචරයන් විසින් මෙම දින 10 තුළ ගුරුවරයාට, විපස්සනා භාවනා ක්රමයට මෙන්ම නීති රීති පද්ධතියට හා කාල සටහනට පූර්ණ එකඟතාවයෙන් වැඩ කිරීමට සිදුවේ. එනම්, විනය නීති මාලාව පිළිපදිමින්, ගුරුවරයා විසින් දෙනු ලබන උපදෙස් කිසිවක් නොසළකා හරින්නේ නැතිව, කිසිවක් අලුතින් එකතු නොකර,  ඔහු දෙනු ලබන උපදෙස්වලට අනුවම පිළිපදිමින් කාල සටහනෙහි ආකාරයට ක්‍රියා කළ යුතු වේ. මෙම එකඟතාවය, අන්ධානුකරණයෙන් නොව, විමංසන බුද්ධියෙන් සහ අවබෝධයෙන් කළ යුතු වේ. සිසුවෙකුට පූර්ණ ලෙස උනන්දුවෙන් ක්රියා කළ හැකි වන්නේ විශ්වාසය මත පමණි. ශිෂ්‍යයා විසින් ගුරුවරයා හා භාවනා ක්රමය මත මෙවැනි විශ්වාසයක් තිබීම නිවැරදි මඟ පෙන්වීම හා ආරක්ෂාව සඳහා අත්යවශ්ය වේ.

ආගමික සිරිත් විරිත් හා වෙනත් භාවනා ක්රම :

මෙම පාඨමාලාව හදාරන සීමිත කාලය තුළ ආගමික පුද පූජා ලෙස සලකනු ලබන සුවඳ දුම් ඇල්ලීම, පහන් දැල්වීම, පබලු හා ඇට වර්ග (නවගුණ වැල් ගණන් කිරීම, මන්ත්‍ර ජප කිරීම, නැටුම් ගැයුම් පැවැත්වීම, සම්පූර්ණයෙන් නිරාහාරව උපවාසයෙහි යෙදීම, යාඥා කිරීම ආදියෙන් මුලුමනින්ම වැළකී සිටීම අවශ්ය වේ. අනෙකුත් භාවනා ක්රම වලට නිගරු නොකරමින් ඒවාද තාවකාලිකව නතර කිරීමට සිදුවේ. මේ සියල්ල මෙසේ ක්‍රියාත්මක කරවීමෙන් බලාපොරොත්තු වන්නේ ශිෂ්‍යයාට මෙම විපස්සනා භාවනා ක්රමය පිළිබඳව පූර්ණ පාරිශුද්ධත්වයෙන් යුතුව සාධාරණ අත්හදා බැලීමක් කිරීමට අවස්ථාවක් සලසා දීමය.

විපස්සනා භාවනාව සමඟ වෙනත් භාවනා ක්‍රමයක් හිතාමතා මිශ්‍ර කිරීමෙන් තම ප්‍රගතියට බාධා පැමිණෙනවා පමණක් නොව පසුබෑමකටද ලක් විය හැකි බව සිසුන්ට දැඩි ලෙස අවවාද කෙරෙයි. පෙර පාඨමාලා වලදී ගුරුවරයා නැවත නැවතත් අවවාද කිරීමෙන් පසුවත්, සමහර ශිශ්‍යයින් විසින් මෙම විපස්සනා ක්රමයට වෙනත් ආගමික සිරිත් විරිත් හා වෙනත් පුහුණුවීම් ක්‍රම ඈඳා ගැනීමෙන් කරදර වලට මුහුණ පා ඇත. මෙම ක්‍රමය පුහුණුවීමට බැඳුණු ශිෂ්‍යයන් ගුරුවරයාගේ උපදෙස් අකුරටම පිළිපැදිය යුතු අතර, වෙනත් බාහිර දේ භාවනාවට එකතු කර නොගත යුතුයි. තමාට පැන නගින සැක සහිත තැන් හා නොපැහැදිලි දේ ගුරුවරයා හමුවී විසඳා ගත හැක.

ගුරුවරයා හමුවීම:

තමාට පැන නගින ගැටළු හා නොපැහැදිලි තැන් විසඳා ගැනීමට මධ්‍යාහ්න 12 සිට ප.ව. 1.00 දක්වා ගුරුවරයා පුද්ගලිකව හමුවීමට සිසුන්ට පුළුවන. ප.ව. 9.00 සිට ප.ව. 9.30 දක්වා කාලය තුළ භාවනා ශාලාවේ දී පොදුවේ ප්රශ්න විචාරීමට ඉඩකඩ ඇත. මෙම භාවනා ක්‍රමය පුහුණුවීමේදී පැන නගින ප්‍රශ්න නිරාකරණය කර ගැනීමටත් දේශනාවෙන් පැන නගින ප්‍රශ්න විසඳා ගැනීමට පමණක් ප්‍රශ්න ඇසීමේ කාලය යොදා ගත යුතුය.

ආර්ය නිශ්ශබ්දතාවය :

භාවනා පාඨමාලාව පටන් ගත් දින සිට දසවැනි දිනයේ පෙ.ව. 10.00 පමණ වන තෙක් ශිෂ්යයන් විසින් උතුම් නිශ්ශබ්දතාවය රැකිය යුතුවේ. උතුම් නිශ්ශබ්දතාවය යනු ශරීරය, වචනය, හා මනස නිශ්ශබ්ද කරගැනීමයි. අභිනය මගින් හෝ කුඩා තුණ්ඩු කැබලි ආදී මාර්ග වලින් හෝ වෙනත් මොනම ක්‍රමයකින් හෝ අදහස් හුවමාරු කිරීමේ මාර්ග භාවිතා කිරීම සම්පූර්ණයෙන්ම තහනම් වේ.

එහෙත් අවශ්‍ය අවස්ථාවකදී ගුරුවරයා සමඟ කතා කළ හැක. නවාතැන් පහසුකම් ආහාරපාන ආදී දේ පිළිබඳ ප්‍රශ්නයක් ඔබට ඇත්නම් ඒ පිළිබඳ ව පාලක මණ්ඩලයට දැනුම් දීමට ඔබට අවසර ඇතත් ඒවාද සීමිත විය යුතුය. තමන් හුදකලාව භාවනා කරනවා යන හැඟීම සිසුන් තුළ රෝපණය කර ගත යුතුයි.

ස්ත්‍රී පුරුෂ දෙපාර්ශවය වෙන් වෙන්ව සිටීම :

ස්ත්රී පුරුෂ දෙපාර්ශවය මුලූමනින්ම වෙන්ව සිටිය යුතු වේ. විවාහක හෝ වෙනත් ආකාරයේ යුවලක් පාඨමාලා කාලය තුළදී ඔහුනොවුන් හා කිසිම ආකාරයක සම්බන්ධතා නොපැවැත්විය යුතුයි. හිත මිතුරන් හා එකම පවුලේ සාමාජික සාමාජිකාවන්ද මේ ආකාරයෙන්ම පිළිපැදිය යුතු වේ.

කායික ස්පර්ශය :

භාවනා මධ්‍යස්ථානයේ රැුඳී සිටින කාලය තුළදී අනිකුත් අය සමඟ සියලු ආකාරයේ කායික ස්පර්ශයෙන් වැළකී සිටීම ඉතා වැදගත් වේ.

යෝග හා ශාරීරික ව්‍යායාම :

මෙම මධ්‍යස්ථානයේ ඉඩකඩ සහ පහසුකම් සීමිත හෙයින් ශාරීරික ව්‍යායාම හා යෝග ක්රම විපස්සනා හා සැසඳුණත් ඒ සියල්ල මේ කාල පරිච්ඡේදයේ දී තාවකාලිකව නතර කිරීමට සිදුවේ. දිවීම සඳහා ද අවසර නැත. විවේක කාලවලදී වෙන්කොට ඇති කොටස් වල ඇවිදීමෙන් ශරීරයට ව්‍යායාමයක්ලබා දිය හැකිය.

ආගමික සංකේත, යන්ත්‍ර, කොන්ත, නවගුණවැල්,  ජප නූල් ආදී දේ :

මෙවැනි දේ මධ්‍යස්ථානයට රැගෙන නො ආයුතුයි. යම්කිසි හෙයකින් මෙබඳු දෙයක් ඔබ ළඟ ඇත්නම් පාලක මණ්ඩලයට භාර දී පාඨමාලාව අවසන් වූ පසු නැවත ලබා ගන්න.

මත්ද්රව්‍ය හා මත්කුඩු :

මත්ද්රව්‍ය, මත්කුඩු, මරිජුවානා ආදී කිසිවක් මෙම මද්‍යස්ථානයට ගෙන ඒම සම්පූර්ණයෙන්ම තහනම් කොට ඇත. ප්රශාන්තිජනක ඖෂධ සහ නිදි බෙහෙත් ආදී සියලුම නිර්වින්දක වර්ග මෙයට අඩංගු වේ. වෛද්‍ය උපදෙස් අනුව ඖෂධ ආදිය පාවිච්චි කරන අය ගුරුවරයාට ඒ බව දැන්විය යුතුයි.

දුම්කොළ:

සියලු සිසුන්ගේ සෞඛ්යය සහ සුව පහසුව සළකා මධ්‍යස්ථානය තුළ දුම්බීම, බුලත්විට හැපීම, සහ දුම්කුඩු ඉරීමට ද අවසර නැත.

ආහාර :

සියලු භාවනා යෝගීන්ට අවශ්‍ය පරිදි විශේෂ ආහාරපාන සැපයිය නොහැක. මෙහි සපයනු ලබන සරල නිර්මාංශ ආහාර වලින් සෑහීමට පත් වන ලෙස සියලූම ශිෂ්‍යයින්ගෙන්  කාරුණිකව ඉල්ලූම් කෙරේ. භාවනාවට යෝග්‍ය සමබර පෝෂ්‍යදායි ආහාර සැපයීමට කළමණාකාරිත්වය උත්සාහ දරණු ඇත. යම්කිසි ශිෂ්‍යයෙකුට සෞඛ්‍ය හේතූන් මත යම් විශේෂ ආහාරයක් ගැනීමට උපදෙස් දී තිබේ නම් ලියාපදිංචි කරන අවස්ථාවේ දී පාලක මණ්ඩලයට දැනුම් දෙන්න. උපවාසයේ යෙදීමට අවසර නැත. ඔබගේ පුද්ගලික භාවිතය සඳහා කිසිම ආහාර වර්ගයක් රැගෙන නොඑන්න. ඒවා ළඟ තබාගැනීමට අවසර නැත.

ඇඳුම් :

භාවනාවට ගැළපෙන පරිදි විනීත හා සදාචාරාත්මක ලෙස සුව පහසු ඇඳුම් ඇඳිය යුතු වේ. තද, විනිවිද පෙනෙන, අනාවරණය කෙරෙන, කොට කලිසම් හා අත් නැති ඇඳුම් ඇඳීමෙන් වළකින්න. හිරු රැස් තැපීම ද අඩ නිරුවත ද අනුමත නොකෙරේ. අනික් යෝගීන්ගේ අවධානය බිඳීම අවම කිරීම සඳහා මේවා පිළිපැදීම වැදගත් වේ.

රෙදි සේදීම සහ ස්නානය කිරීම:

රෙදි සේදීමේ වියලීමේ යන්ත්‍ර නොමැති නිසා තමන්ට අවශ්ය ප්රමාණයකට සෑහෙන ඇඳුම් රැගෙන එන්න. කුඩා ඇඳුම් අතින් සේදිය හැක. ස්නානය කිරීම සහ රෙදි සේදීම කළ හැක්කේ භාවනාව සඳහා වෙන් කර ඇති වේලාවලදී නොව විවේක කාල වලදීය .

බාහිර සම්බන්ධතාවය :

සම්පූර්ණ පාඨමාලා කාලය තුළදී පාඨමාලා භූමියෙහිම ර්‍අඳී සිටීමට සිසුන්ට සිදුවේ. ගුරුවරයාගේ විශේෂ අවසරයක් මත පමණක් ඔබට බැහැරව යා හැක. පාඨමාලාව අවසන් වන තෙක් බාහිර සම්බන්ධතා පැවැත්වීමට අවසර නැත. දුරකතන භාවිතය, ලියුම් ගණුදෙනු කිරීම සහ අමුත්තන් හමුවීම ද තාවකාලිකව අත් හිටුවන්නට ඔබට සිදුවේ. ජංගම දුරකතන, කෙටි පණිවුඩ යවන පේජර, සහ අනිකුත් විඉුත් උපකරණ සියල්ලක්ම පාඨමාලාව අවසන් වන තෙක් කළමනාකරණයට භාර දිය යුතුයි. හදිසි අවස්ථාවකදී හිතවතෙකුට හෝ ඥාතියෙකුට කළමනාකාරිත්වය හමුවිය හැක.

 කියවීම, ලිවීම සහ සංගීතය:

සංගීත භාණ්ඩ වාදනය කිරීම, ගුවන් විදුලියට සවන් දීම ආදියට අවසර නැත. පොත් පත් හෝ ලිවීමේ උපකරණ භාවනා මධ්‍යස්ථානයට රැගෙන නො ආයුතුයි. භාවනා අරමුණෙන් අවධානය පිටතට යන නිසා සටහන් ලියා නොගත යුතුයි. ලිවීම සහ කියවීම තහනම් කර ඇත්තේ මෙම භාවනා ක්‍රමයේ ප්රායෝගික අංශයට දැඩි අවධාරණය දීම පිණිසයි.

ටේප් රෙකෝඩර ,කැමරා සහ පරිගණක:

 ගුරුවරයාගේ විශේෂ අවසරයක් නොමැතිව මේවා පාවිච්චි කළ නොහැක.

නවාතැන් පහසුකම් හා ගාස්තු :

පිරිසිදු විපස්සනා සම්ප්රදායට අනුව  පාඨමාලා පවත්වනු ලබන්නේ හුදෙක් පරිත්‍යාග පදනම මතය. පරිත්‍යාග භාරගනු  ලබන්නේ එස්. එන්. ගොඑන්කා තුමා හෝ එතුමාගේ සහායක ගුරුවරයෙකු යටතේ අවම වශයෙන් එක් දස දින පාඨමාලාවක්වත් සම්පූර්ණ කර ඇති අයගෙන් පමණි. පළමුවතාවට පාඨමාලාවකට සහභාගි වන යෝගීන්ට ද පාඨමාලාව අවසන් කිරීමෙන් පසුව හෝ ඊට පසු වෙනත් අවස්ථාවකදී පරිත්‍යාගයක් කිරීමට අවස්ථාව තිබේ.

මේ අනුව පාඨමාලා පවත්වා ගෙන යාම සඳහා සහාය වන්නේ භාවනාවෙන් ලැබෙන ප්‍රයෝජන ප්රායෝගිකව තමන් විසින්ම  වටහා ගත් යෝගීන්ය. තමන් විසින් ලබා ගත් ඵල ප්‍රයෝජන අනිකුත් අයත් සමඟ බෙදා ගැනීමේ කැමැත්ත නිසා ඔවුහු තමන්ට හැකි අන්දමින් පිරිසිදු  චේතනාවෙන් පරිත්‍යාග කරති. මෙම සම්ප්රදායට අනුව ලොව පුරා පාඨමාලා පවත්වනු ලබන්නේ මේ අන්දමින් ලැබෙන ආධාරවලින් පමණි. මේ සඳහා අනුග්‍රහය දක්වන ධනවත් ආයතන හෝ පුද්ගලයන් නොමැත. ගුරුවරුන් හෝ සංවිධායකයන් ඒ අයගේ සේවය සඳහා කිසිදු වේතනයක් නොලබති. මෙපරිද්දෙන් විපස්සනා ප්‍රචාරක කටයුතුද සිදු කරනු ලබන්නේ වාණිජකරණයෙන් තොරව පිරිසිදු අදහසිනි.

කිසියම් පරිත්යාගයක් සුළු හෝ මහත් වේවා, එය කළ යුත්තේ අනික් අයට උදව් කිරීමේ අදහසිනි - ” ඇත්ත වශයෙන්ම මා හිඳගත් පාඨමාලාව පවත්වා ගෙන් යාම සඳහා ආධාර කර ඇත්තේ මීට පෙර සහභාගි වූ සිසුන්ගේ පරිත්‍යාග වලිනි; අනාගතයේදී පැවැත්වීමට බලාපොරොත්තු වන පාඨමාලාවක් සඳහා මම දැන් පරිත්‍යාගයක් කරමි. එමගින් තවත් බොහෝ දෙනෙකුටත් මේ භාවනා ක්‍රමයෙන් ප්රයෝජන ලැබේවා."

සාරාංශය:

විනය නීති මාලාවේ හරය පැහැදිලි කර දීම සඳහා පහත දැක්වෙන ආකාරයට කෙටි කර දැක්විය හැක:

ඔබේ හැසිරීම් මගින් තවත් කෙනෙකුට කරදරයක්  නොවීමට ඉතා සැලකිලිමත් වන්න. එමෙන්ම අනික් අයගෙන් වන බාධාවන් ගැන සැලකිලිමත් නොවන්න.

ඉහත සඳහන් නීති එකක් හෝ කීපයක් පණවා තිබීමේ   ප්‍රායෝගික හේතූන් වටහා ගැනිමට කිසියම් සිසුවෙකුට නොහැකි විය හැකියි. ඒ සම්බන්ධයෙන් ඍණාත්මක හැඟීම් හෝ සැකයන් වර්ධනය වීමට ඉඩ නොදී වහාම ගුරුවරයා හමු වී ඒවා පැහැදිලි කරවා ගන්න.

පුහුණුවීම තේරුම් ගත හැකි වන්නේත් එයින් ප්‍රයෝජන ලැබිය හැකි වන්නේත් දැඩි සංයමයකින් ඉතා වීර්යවන්තව ක්රියා කිරීමෙන් පමණි, පාඨමාලාවේ දී වැඩි අවධානය යොමු කරවන්නේ භාවනාවටයි.  (ස්වර්ණමය රීතිය වන්නේ කවර අපහසුතා ඇතිවුවත්, කවර බාධා වලට මුහුණපෑමට සිදුවුවත් තමන් හුදකලාව සිටින අයුරින්, මනස තම අභ්‍යන්තරයට යොමු කර ගෙන භාවනාවේ යෙදීමයි. )

අවසාන වශයෙන් විපස්සනා භාවනාවේ ප්‍රගතිය රඳා පවතින්නේ කෙනෙකුගේ යහපත් ගුණාංගයන් සහ පුද්ගලික වර්ධනය හා පස් වැදෑරුම් ශක්තීන් වන අප්‍රතිහත ධෛර්යය, විශ්වාසය, අවංක භාවය, සෞඛ්‍යය හා ප්‍රඥාව මත බව සිහි තබාගන්න.

ඉහත සඳහන් තොරතුරු ඔබගේ භාවනා පාඨමාලාවෙන් ඔබට උපරිම ඵලප්‍රයෝජන ලබා ගනීමට සහාය වනු ඇත. ඔබට සේවය කිරීමට අපට අවස්ථාව ලැබීම ගැන අපි සතුටු වෙමු. ඔබගේ විපස්සනා අත්දැකීම තුළින් ඔබට සතුට හා සැනසිල්ල උදාවේවා‘යි අපි ප්‍රාර්ථනා කරමු.

කාල සටහන :
මෙම කාල සටහන සකස් කොට ඇත්තේ භාවනාව නොකඩවා ප්රගුණ කිරීමටය.
සාර්ථක ප්රතිඵල ලබාගැනීම සඳහා මෙය තමාට හැකි පමණ හොඳින් අනුගමනය කරන ලෙස ශිෂ්යයින්ට අවවාද කෙරේ.

• පෙ.ව. 04.00 අවදි වීම
• පෙ.ව. 04.30 -06.30 භාවනාකිරීම (භාවනා ශාලාවේදී  හෝ කුටි වලදී)
• පෙ.ව. 06.30 -08.00 උදේ     ආහාරය
• පෙ.ව. 08.00 -09.00 සාමූහික භාවනා (භාවනා ශාලාවේදී*
• පෙ.ව. 09.00 -11.00 භාවනා (ගුරුවරයාගේ උපදෙස් පරිදි ශාලාවේදී හෝ කුටි වලදී*
• පෙ.ව. 11.00 -12.00 දිවා ආහාරය
•  
• පෙ.ව. 12.00 -ප.ව.01.00 විවේකය
•  
• ප.ව. 01.00 -02.30 භාවනා කිරීම   (ශාලාවේදී හෝ කුටි වලදී*
• ප.ව. 02.30 -03.30 සාමූහික භාවනා (භාවනා ශාලාවේදී*
• ප.ව. 03.30 -05.00 භාවනා කිරීම (ගුරුවරයාගේ උපදෙස් පරිදි ශාලාවේදී හෝ කුටි වලදී*
• ප.ව. 05.00-06.00 තේ පානය
• ප.ව. 06.00-07.00 සාමූහික භාවනා (භාවනා ශාලාවේදී*
• ප.ව. 07.00-08.30 ගුරුතුමාගේ දේශනය (භාවනා ශාලාවේදී*
• ප.ව. 08.30-09.00 සාමූහික භාවනා (භාවනා ශාලාවේදී*
• ප.ව. 09.00-0ප.ව. 9.30 ප්රශ්න විචාරීම (භාවනා ශාලාවේදී*
• ප.ව. 09.30 - විදුලි පහන් නිවීම - නින්දට යෑම.